UEUk 53. Udako Ikastaroen matrikulazio-epea ireki du. 20 jardunaldi eta ikastaro antolatu ditu hainbat eragilerekin elkarlanean, eta horietatik batzuk Eibarko Markeskoa eraikinean emango dira.
Gogoratu Eibarko Udalak dirulaguntzak eskaintzen dizkiela herritarrei ikastaro horiek egiteko, eta eskaera-epea zabalik dagoela. Esteka honetan dago informazio guztia.
Honako hauek dira Eibarren egingo diren ikastaroak:
- Badago alternatiba! Taupada atzerakoiari Euskal Herrian aurre egin. (Ekainak 13)
- Gizarte Ekonomiako Euskal Ikertzaileen Topaketa. (Ekainak 17)
- Berrikuntza Pedagogikoari buruzko hausnarketa kritikoa. (Uztailak 1-3)
- Benetan inklusiboa al da gure hezkuntza ikasle gorrentzat? Interpreteaz haratago, hizkuntza, identitatea eta komunitatea erdigunean. (Uztailak 1)
- Informazio eta Dokumentazio Kudeatzaileen XI. Bilkura: Euskal liburutegi nazionala: iragana, oraina eta geroa. (Uztailak 3)
- Euskal literatura eta arte garaikideen irakurketa feministak eta queerrak. Espazioak, afektuak eta erresistentziak. (Uztailak 10)
- Analitika digitala euskarazko hedabideetan: erronka handi bat. (Irailak 11 eta 12)