“Zer gertatzen da urriaren 31n, iluntzen duenean?” izenburuko hitzaldia emango dute Iosu Ozaitak eta Jaime Altunak datorren martitzenean, urriaren 23an, 19:00etan Portaleko areto nagusian. AKEBAIk antolatuta, Hamaika Berbaldi egitasmoaren baitan egingo den hurrengo berbaldian gure ohituren inguruan jardungo dute berbetan Arimen Gauaren ospakizunaren inguruan Euskal Herrian eman den bilakaera jasotzen duen ikerketa lanari esker 2015eko Juan San Martin beka eskuratu zuten bi antropologoek. Hitzaldian gaiaren inguruan izan ditzakegun zalantzak argituko dizkigute Josu Ozaitak eta Jaime Altunak. Bestalde, gaiak gurasoentzat duen interesagatik, hitzaldiak irauten duen bitartean zaintza tailerra egongo da 4-8 urte bitarteko umeentzat.
