Atzo, otsailak 19, egin genuen Euskaraldiko Eibarko Hamaikakoaren aurkezpena. Klub Deportiboan izan zen, Ana Goitiaren “Katana” bakarrizketaren ondoren. Jendetza bildu zen bertan, eta Ana Goitiak (Euskaraldiko Euskal Herriko Hamaikakoaren kidea) bakarrizketa ederra eskaini ondoren, Eibarko enbaxadoreak aurkeztu zituen.
Honako hauek izango dira:
- Davide Cerchi: Euskaraz hitz egiten duen italiarra
- Aresatz Usobiaga: EHUko irakaslea eta Klub Deportiboko lehendakari ordea
- Jol Igartua: Kalian jaiotako abeltzaina eta euskaltzalea
- Soko Baskaran: AEKko irakasle izandakoa eta euskaltzalea
- Mohamed Fadel: euskara ikaslea
- Jon Alonso: abeslaria, ikaslea eta euskaltzalea
- Josune Garro: Euskaltegiko ikaslea
- Aitor Muniozguren: Futbol zalea eta Eskozia La Bravaren fundatzaileetako bat
- Simone Begiristain: Mogeleko irakaslea
- Najiba Benslaiman: euskara ikaslea eta Urkizu guraso elkarteko kidea
- Helene Otadui: ikasle eta gazte militante euskaltzalea
Euskaraldia maiatzaren 15etik 25era egingo da, eta Euskaraldiko lan-taldean buru-belarri gabiltza prestaketa lanetan.
