Beste urte batez, Eibarko Udalak UEUko ikastaroak egiten dituzten eibartarrei matrikula kostoaren %50a itzuliko die. Udazkenerako eskaintza prest dute jada UEUn, eta HEMEN dago ikusgai (antolatutako ikastaro eta jardunaldietako batzuk Eibarren izango dira). Izen-ematea UEUko web orrialdean egin behar da, eta diru laguntza eskatzeko epea Udaleko webgunean argitaratuko da 2024an. Zalantzarik baduzu, jarri harremanetan gurekin.

Ikasturteari indartsu eta motibatuta ekiteko, Lanbide Heziketako irakasleentzako formazio saioa antolatu du Eibarren AKEBAIk: “Erabileraren ontzia bete”. EBETEko irakasleek euskararen erabileran eragiteko estrategiak erakutsi dizkiete Eibarko Lanbide Heziketako irakasleei. Euskararen presentzia eta erabilera zaintzearen garrantzia ikustea eta irakasleei proposamenak aurkeztea izan dira saio honen helburu nagusiak. Atzo izan ziren bi saioak, eta Lanbide Heziketako 140[…]

Eibarko ikastetxeetako gazteek hizkuntza ohituren inguruko hausnarketak eta proposamenak aurkeztu zituzten pleno aretoan. 2022-2023 ikasturtean Euskara zerbitzutik “Gaztelaniaren abantailak” izeneko egitasmoa jarri da martxan Eibarko ikastetxeetan. Gazteen hizkuntza jarreran eragiteko asmoz, hausnarketarako saioak eskaini ditu EMUN-ek DBH3ko ikastaldeetan. Saioen helburua gazteak hizkuntza jarrera eta portaerez ohartzea eta hizkuntza kudeaketaren kontzientzia garatzen laguntzea izan da. Ekainaren[…]

Euskara Zerbitzuak eta Juan San Martin Udal Liburutegiak opor garaian familian euskaraz gozatzeko moduko jolasen, liburuen eta baliabide digitalen bilduma prestatu dute. Opor garaian umeekin egoteko denbora gehiago dagoenez, euskara indartzeko ere une egokia da. Horretarako irakurgaiak, jolasak eta baliabide digitalak jasotzen dituen GIDA sortu dute. Gida horretan umeen euskararen erabilera areagotzeko gurasoentzako gomendioak, umeentzako liburu gomendatuak eta[…]

Udaran antolatzen diren aisialdiko jardueretan euskararen erabilera sustatzeko formakuntza antolatu zuen ostiralean Eibarren AKEBAIk Ostiral arratsaldean, ekainaren 2an, EBETEko irakasleek euskararen erabileran eragiteko estrategiak erakutsi zizkieten uda honetan aisialdian ibiliko diren begiraleei. Bertan, udako jardueretan euskararen erabilera sustatzearen arrazoiak eta programazioan txertatu daitezkeen hainbat adibide praktiko ikusi zituzten, besteak beste.

Hizkuntza eskubideen inguruko hitzaldia eskaini zuen atzo arratsaldean Agurne Gaubekak, Hizkuntz Eskubideen Behatokiko zuzendariak. Agurne Gaubekaren hitzaldira joan ezinik geratu bazineten, edo bertan izan arren berriro entzun nahi baduzue, HEMEN duzue saioaren grabazioa.  Herritarrek aldaketarako mikroboterea dutela azpimarratu zuen Gaubekak. Eibarrek badu hizkuntza eskubideen kanal propioa: Astindu. Bertan herritarrek hizkuntza eskubideen inguruan izan ditzaketen galderak, zalantzak edo kezkak[…]

Maiatzaren 17an, asteazkena, Agurne Gaubeka (Hizkuntz Eskubideen Behatokiko zuzendaria) izango dugu gurekin hizkuntza eskubideen inguruko hitzaldian. Errebal Plazan izango da, 18:30etan, eta ekitaldia herritar guztientzat zabalik egongo da, dohain. Hitzaldia “Hamaika berbaldi” barruan kokatzen da. Ekimen hau 2017aren bukaeran jarri zuen martxan Eibarren AKEBAI herritar plataforma eratu berriak. Harrezkero hamaika hitzaldi, tertulia edota mahainguru izan ditugu; hamaika[…]